Jambylda bıylǵy shomylý maýsymynda 9 adam sýǵa ketken
TARAZ. QazAqparat - Jambyl oblysynda bıylǵy shomylý maýsymy bastalǵaly 9 adam sýǵa ketken. Onyń 5-eýi - bala, dep habarlaıdy QazAqparat.
Mamandardyń aıtýynsha, qaıǵyly oqıǵalar negizinen shomylýǵa barǵandardyń saqtyq sharalaryn tıisinshe saqtamaýy saldarynan oryn alady. Sýdaǵy qaıǵyly jaǵdaılardan bólek, óńirdegi kópqabatty úılerdiń terezesinen balalardyń qulap ketý oqıǵalary da azaımat tur.
«Aǵymdaǵy jyldyń alty aıynda 5 bala terezeden qulaǵan. Olar aýrýhanaǵa jatqyzyldy. Ótken jyly bul kórsetkish 7 bolsa, onyń bireýi qaıtys bolǵan. Negizinen 1-5 jas aralyǵyndaǵy balalar qulaıdy. Osyndaı faktilerdi boldyrmaý úshin qazirgi tańda ata-analarmen úgit-nasıhat jumystary júrgizilýde»,- deıdi oblystyq tótenshe jaǵdaılar departamentiniń basqarma bastyǵy Maqsat Ákimbaev.
Atalmysh departament mamandary ata-analardan balalardy qaraýsyz qaldyrmaýyn surap, ókinishke qaraı, kóbinde mundaı jaǵdaıǵa keńeske qulaq aspaıtyndar urynatynyn eskertedi.
