Jambylda bıyl jel jáne sý elektr stantsııalary iske qosylady
TARAZ. QazAqparat – Qazaqstan boıynsha «jasyl» energııanyń 20 paıyzy Jambyl oblysynda óndiriledi. Bul jóninde óńir basshysy Berdibek Saparbaev halyqqa esep berý onlaın-kezdesýinde málimdedi, dep habarlaıdy QazAqparat tilshisi.
Jambyl oblysynda «jasyl» energııa salasynda 16 nysan jumys isteıdi desek, olarmen 318,4 MVt elektr energııasyn óndiriledi.
«Jambyldaǵy jańartylǵan energııa kózderi nysandary elimizde óndiriletin elektr energııasynyń 20 paıyzyn qamtamasyz etedi», - dedi oblys ákimi. Bıyl bir jel elektr stantsııasy men bir sý elektr stantsııasy iske qosylady dep kútilýde.
Sondaı-aq, kógildir otynmen qamtýda da aýqymdy sharalar atqarylýda. Ótken jyly óńirde 120 myń turǵyny bar 45 eldi meken gazdandyryldy. Nátıjesinde, halyqty gazdandyrý deńgeıi 74,4 paıyzdan 82,4 paıyzǵa deıin ulǵaıdy.
Al, ortalyqtandyrylǵan aýyz sýmen 60 myń adam turatyn 38 eldi meken qamtyldy. Osylaısha, aýyl turǵyndarynyń ortalyqtandyrylǵan aýyz sýmen qamtylý úlesi 73,3 paıyzdan 82,2 paıyzǵa deıin ósti.
Aǵymdaǵy jyly 23 sýmen jabdyqtaý nysanynyń qurylysy, kómirmen jylytylatyn 156 aýyldyq áleýmettik nysandy gazǵa aýystyrý jumystary josparlanyp otyr.
Ótken jyly avtojol salasyn damytýǵa 26,7 mlrd. teńge bólindi, bul aldyńǵy jylmen salystyrǵanda 2,3 ese kóp. 1316 shaqyrym avtomobıl joldary salynyp, jóndeýden ótti. Nátıjesinde jaqsy jáne qanaǵattanarlyq jaǵdaıdaǵy joldardyń úlesi 85-ten 90 paıyzǵa deıin artty. Aǵymdaǵy jyly jalpy uzyndyǵy 534,4 shaqyrym bolatyn joldardy jóndeý josparlanýda.
