Jambylda bıyl balalardyń joǵalýyna qatysty 50-den astam ótinish túsken
TARAZ. QazAqparat – Jambyl oblystyq polıtsııa departamenti málimdeme jasap, balalardyń qaýipsizdigi jáne olardy qaraýsyz qaldyrmaý árqashan birinshi kezekte bolýy kerektigin eskertti, dep habarlaıdy QazAqparat tilshisi.
Aǵymdaǵy jyldyń basynan beri oblystyq polıtsııa departamentine balalardyń joǵalǵany týraly 50-den astam ótinish kelip túsken. Bul oqıǵalardyń 80 paıyzy ata-analardyń óz mindetterine nemquraıly qaraýy saldarynan oryn alǵandyǵy anyqtalǵan.
Qarataý qalasynda 9 jasar qyz qaıtys bolǵan qaıǵyly oqıǵadan basqa, joǵalǵan barlyq balalar tabylyp jáne úılerine qaıtarylypǵan. Bul týraly atalǵan departamenttiń baspasóz qyzmetiniń habarlamasynda aıtylǵan.
«Balany qarapaıym erejelerge úıretý qajet: kóshede beıtanys adamdarmen sóılespeý, beıtanys adamdardyń qolynan eshqandaı dám almaý, úıden alys qashyqtyqqa ketpeý. Jambyl oblysynyń polıtsııa departamenti ata-analarǵa balalardy qaraýsyz qaldyrýǵa bolmaıtynyn eskertedi. Qyraǵy bolyńyz, siz árdaıym sizdiń balańyz qazirgi ýaqytta nemen aınalysatynyn bilýińiz kerek, óıtkeni balalarǵa nemquraıly qaraý orynsyz qaıǵyly jaǵdaıǵa ákelýi múmkin»,-delingen vedomstvo habarlamasynda.
