Jambylda bıyl 700 shaqyrymǵa jýyq avtojol jóndeýden ótedi
TARAZ. QazAqparat- Jambyl oblysynda 700 shaqyrymǵa jýyq avtojol jóndeýden ótedi. Bul týraly oblys ákimi Berdibek Saparbevtiń halyq aldyndaǵy esep berý jıynynda aıtyldy, dep habarlaıdy QazAqparat.
Aǵymdaǵy jyly Jambyl oblysy aýmaǵyndaǵy 692 shaqyrym avtomobıl joldaryn jóndeý josparlanýda.
Oblys ákimi baspasóz qyzmetiniń habarlaýynsha 668 shaqyrym avtojoldy ortasha jóndeýden ótkizý, 6,1 shaqyrymdyq joldy qaıta jańartý kózdelse, 18 shaqyrymdyq jol jańadan salynbaq.
Aımaq basshysy jalpy jyl sońyna deıin aımaqtaǵy jaqsy jáne qanaǵattanarlyq deńgeıdegi oblystyq joldardyń úlesi 90 paıyzǵa jetýi tıis ekendigin jetkizdi.
Sondaı-aq, jolaýshylar tasymalynyń sapasyn arttyrý maqsatynda 100 jańa avtobýs satyp alý, elektrondy bıletteý júıesin engizý josparlanýda.
Sonymen qatar, joldaǵy qaýipsizdikti jáne jolaýshylar tasymalynyń mádenıetin arttyrý máselelerine aıryqsha nazar aýdarylmaq.
