Jambylda bir jylda 3 tonnadan astam esirtki tárkilengen

TARAZ. QazAqparat – Ótken jyly Jambyl oblysynda zańsyz aınalymnan 3 tonna 277 keli esirtki tárkilengen. Bul 2019 jylmen salystyrǵanda 284 kelige kóp, dep habarlaıdy QazAqparat tilshisi.

Tárkilengen zııandy zattardyń basym bóligi, ıaǵnı 3 tonna 199 keli - marıhýana, 1 keliden astamy - geroın, 75 keliden astam gashısh jáne 2 keliden asa sıntetıkalyq esirtki.

Bul týraly óńirlik kommýnıkatsııalar qyzmetiniń aqparat alańynda ótken brıfıngte Jambyl oblysy PD esirtki qylmysyna qarsy is-qımyl basqarmasynyń bastyǵy Asqar Jumabekov baıandady.

Jalpy, óńirde byltyr 251 gektar jerden 50 tonnadan astam jabaıy qarasora joıylǵan.

Bul jumys jer jyrtý, shabý, órteý jáne gerbıtsıdterdi qoldaný arqyly júzege asqan

«Byltyr Jambyl oblysy boıynsha 815 esirtki qylmysy tirkeldi. Onyń ishinde 220 - qylmys deregi jáne 595 - qylmystyq teris qylyq. Esirtki satyp, ońaı oljaǵa kenelgisi kelgenderge qatysty 120 derek anyqtalǵan. Al, esirtki zatyn asa iri mólsherde saqtaý qylmysynyń jalpy sany - 68 bolsa, esirtki kontrabandasynyń 6 deregi bar» -dedi, A. Jumabekov.

Sondaı-aq, brıfıng barysynda el arasynda esirtki baqshasyn egetinderdiń bary aıtyldy.

Máselen quramynda esirtki zaty bar ósimdikterdi ósirýdiń 26 deregi kezdesken.

Tárkileý kezinde esirtki zaty bar ósimdikterdiń 733 túp danasy joıylǵan.

Qazir qala kósheleri men úı qabyrǵalaryna graffıtı jazý arqyly esirtki zatyn nasıhattaıtyndar kóp kezdesedi.

Osyndaı jolmen ustalǵandarǵa qatysty 3 derek tirkelgen.

Polıtseıler men jergilikti erikti jastar birigip Taraz qalasynda 1000-nan astam jazba óshirilip, 59 ınternet saıt buǵattalǵan.