Jambylda bir táýlikte jedel járdem shaqyrtý sany 1800-den asty
TARAZ. QazAqparat – Jambyl oblysynda bir táýliktegi jedel járdemdi shaqyrtý sany 1800-2000-ǵa deıin ósken, dep habarlaıdy QazAqparat tilshisi.
Óńirlerdegi barlyq aýrýhana men emhana kúrdeli jumys kestesine aýysqan. Oblysta qatań karantın sharalary engizildi. Osynaý syn saǵatta negizgi salmaq jedel járdem qyzmetine tústi. Bir kúnde shaqyrtý sany 1800-2000-ǵa deıin ósipti.
«Bizdiń stansa – Jambyl oblysyndaǵy úlken mekemelerdiń biri. Munda qyzmetkerler de óte kóp. Bir táýlikte oblys turǵyndaryna 93 brıgada qyzmet kórsetedi, 93 júrgizýshi men 150 medıtsına qyzmetkeri kúndiz-túni aıaǵynan tik turyp, jany qınalǵandarǵa alǵashqy kómek kórsetip, qajet bolǵan jaǵdaıda aýrýhanalarǵa jetkizedi», – deıdi oblystyq jedel járdem stansasy bas dárigeriniń orynbasary Kúlzahıra Qyzǵaraeva.
Sońǵy táýlikte 1 800-den astam qońyraý soǵyldy. 226 adam koronavırýs ınfektsııasymen juqpaly aýrýlar aýrýhanasyna jatqyzyldy. Oblysta 2 130 naýqas statsıonarlyq em qabyldap jatyr. Jatyn oryn 59 paıyzǵa toltyrylǵan. Jansaqtaý bólimshesinde - 173 patsıent emlýde.
«Eger 103 nómirin terý kezinde bir sebeptermen qıyndyq týyndasa, onda 9103 nómirine qońyraý shalýǵa bolady», - deıdi K. Qyzǵaraeva.
