Jambylda bir kúnde týǵan kún, úılený jáne súndet toıy ótkizilgendigi anyqtaldy
TARAZ.QazAqparat – Jambyl oblysynda karantın rejımi men sanıtarlyq normalardy saqtaý boıynsha tekserýdi júzege asyratyn mobıldi top Taraz qalasynda, Baızaq jáne Qordaı aýdandarynda 6 otbasylyq is-sharanyń ótkizilgenin anyqtady,- dep habarlaıdy QazAqparat tilshisi.
Naqtyraq aıtsaq, mobıldi toptar ujymdyq týǵan kún keshteri, úılený jáne súndet toılarynyń ótkizilgenin anyqtaǵan. Atalǵan is-sharalardaǵy jalpy qonaqtar sany 300-den astam adamdy quraǵan. Shaqyrylǵandardyń qatarynda 5-ten 73 jasqa deıingi adamdar bar.
Barlyq qonaqtarǵa túsindirý jumystary júrgizilip, al is-sharalardy uıymdastyrýshylarǵa qatysty ákimshilik hattamalar toltyryldy.
Sonymen qatar, tek 1 táýlik ishinde áleýmettik nysandardy ýaqytyly dezınfektsııalamaý, maska rejımin jáne áleýmettik araqashyqtyqty saqtamaýǵa baılanysty 14 buzýshylyq anyqtaldy.
Sonymen qatar, krantın talaptaryn buza otyryp jumys istegen kompıýterlik klýb belgili bolǵan.
«Jalpy 5 shilde men 5 jeltoqsan aralyǵynda túrli 12 myńnan astam nysanǵa reıd júrgizildi. Karantın rejımin saqtaý boıynsha 51 monıtorıngtik top nysandarda 819 zańbuzýshylyqty anyqtap, jınalǵan materıaldar ákimshilik jaýapqa tartý maqsatynda taýarlar men qyzmetterdiń sapasy men qaýipsizdigin baqylaý departamentine joldandy. Anyqtalǵan zańbuzýshylyqtar boıynsha jalpy somasy 60 007 578 teńgege 503 aıyppul salynǵan», - deıdi Polıtsııa departamentiniń JPQB bastyǵynyń orynbasary polıtsııa maıory Manas Ábdikárimov.
