Jambylda bir kúnde 800-ge jýyq jol erejesi buzylǵan
TARAZ. QazAqparat – Jambyl oblysynda bir kúnde 800-ge jýyq jol erejesin buzý faktisi anyqtaldy, dep habarlaıdy QazAqparat tilshisi.
Júrgizýshiler arasynda tártipti jaqsartý, jol-kólik oqıǵasynyń sanyn azaıtý jáne jol erejesin buzýdyrmaý maqsatynda Jambyl oblysy aýmaǵynda «Qaýipsiz jol» jedel-profılaktıkalyq is-sharasy ótti.
Bir kúnde 797 ákimshilik quqyq buzýshylyq anyqtaldy.
Atap aıtsaq, shara barysynda 84 júrgizýshige jyldamdyqty arttyrǵany úshin ákimshilik hattamalar toltyrylsa, mas kúıinde kólikti basqarǵan 4 júrgizýshi, baǵdarshamnyń tyıym salynǵan túsine ótken 20 júrgizýshi anyqtaldy. Sondaı-aq, kólikti qujatsyz nemese ony basqarý quqyǵy joq 56 júrgizýshi rólge otyrǵany úshin ákimshilik jaýapkershilikke tartyldy. Budan bólek jaıaý júrginshilerdiń 80 jol erejesin buzý deregi anyqtalǵan.
«101 júrgizýshi qaýipsizdik beldigin taqpaı kólikti basqarsa, 117 júrgizýshi manevr jasaý erejesin buzǵan. Sonymen qatar, 61 júrgizýshi kólikti júrgizý kezinde uıaly telefon qoldanǵan. Qarsy jolaqqa shyǵyp ketkeni úshin 2 júrgizýshige, jolda avarııalyq jaǵdaı týdyrǵan 5 júrgizýshige hattama toltyryldy. 23 avtokólik aıyp turaǵyna qoıyldy», - deıdi oblystyq PD Jergilikti polıtsııa basqarmasy bastyǵynyń orynbasary Jaıdarbek Quttybaev.
