Jambylda bir kúnde 5 iri esirtki tasymaldaýshy anyqtaldy

TARAZ. QazAqparat – Jambyl oblysynda «Dopıng» respýblıkalyq keń aýqymdy jedel-aldyn alý sharasy júrýde, - dep habarlaıdy QazAqparat tilshisi.

«Dopıng» jedel-aldyn alý is-sharasynyń alǵashqy kúninde Jambyl oblysy Polıtsııa departamentiniń qyzmetkerleri túrli esirtki quqyq buzýshylyqtarynyń 8 deregin anyqtady. Olardyń 5-eýi – asa iri mólsherde esirtki quraldaryn ótkizý maqsatynda jáne ony zańsyz saqtaýǵa qatysty qylmystar, sondaı-aq qoǵamdyq oryndarda esirtkini medıtsınalyq maqsattan tys qoldaný.

«Sharanyń alǵashqy kúninde esirtki quraldaryn, psıhotroptyq zattardy, dárilik zattar, medıtsınalyq maqsattaǵy zattar men medıtsınalyq tehnıka aınalymy salasyndaǵy farmatsevtıkalyq qyzmet qaǵıdalarynyń buzylýyn anyqtady. Bir kúnde zańsyz aınalymnan 670 gramm 19 mıllıgramm gashısh, 1 keli 652 gramm marıhýana, kúshti áser etetin «Prozerın-D» dárisiniń 10 ampýlasy, «Dıgoksın» dárisiniń 10 oramy, aýyrsynýdy basatyn «Tramadol» dárisiniń 13 oramy tárkilendi», delingen oblystyq polıtsııa departamenti baspasóz qyzmetiniń habarlamasynda.