Jambylda bir kúnde 18 adamǵa eskertý berilip, 10 adam qamaýǵa alyndy
TARAZ. QazAqparat – Jambyl oblysynda bir táýlikte karantın rejımin buzǵan 64 derek tirkeldi. Onyń úsheýine eskertý berilse, 18 adamǵa aıyppul salynǵan. On adam qamaýǵa alynyp, qalǵan ister sottyń qaraýyna jiberildi, dep habarlaıdy QazAqparat.
Jalpy, oblys boıynsha TJ rejımi engizilgennen beri 372 quqyq buzýshylyq oryn alǵan. Onyń ishinde 370-i QR ÁQBtK-niń 476-baby jáne ekeýi QR ÁQBtK-niń 478-baby boıynsha anyqtalǵan. Bul týraly oblystyq polıtsııa departamentiniń baspasóz qyzmeti habarlady.
«Quqyq buzýshylardyń 26-sy eskertý aldy, 148-ine aıyppul salyndy, 61-i qamaýǵa alyndy, qalǵan ister sottarǵa qaraýǵa jiberildi. Qalalyq shtabtyń sheshimine sáıkes, 17 sáýirden bastap Taraz qalasynda qalalyq kólik qozǵalysy tolyqtaı toqtatyldy. Jeke avtokólikpen tek 08:00-den 10:00-ge deıin jáne 17:00-den 19:00-ge deıin júrýge ruqsat etiledi. Qalǵan ýaqytta avtokóliktiń qozǵalysyna anyqtama arqyly da tyıym salynady. Ákimshilik jaýapkershilikke karantın rejımin saqtamaıtyn adamdar tartylatyn bolady», - delingen vedomstvo habarlamasynda.
Jambyl oblysynyń Polıtsııa departamenti aımaq turǵyndaryn ár azamattyń jáne jalpy qoǵamnyń densaýlyǵy úshin qabyldanatyn, engizilgen karantındik rejım talaptaryna jaýapkershilikpen qaraýdy suraıdy.
