Jambylda bir qora mal órtenip ketti
TARAZ. QazAqparat – Jambyl oblysy Jambyl aýdanynda jeke sharýa qojalyqtyń qorasy órtenip, 90 bas mal janyp ketti, dep habarlaıdy QazAqparat tilshisi.
Oqys oqıǵa 11 tamyz kúni bolǵan. Bul týraly oblystyq Tótenshe jaǵdaılar departamentiniń baspasóz qyzmeti málimdedi.
«Saǵat túngi 23:46-da Jambyl aýdany, Qońyrtóbe aýylynyń shetinde «Ǵalymjan» sharýa qojalyǵy aýmaǵynda sharýashylyq qurylystary men shóp qorasy otqa orandy. Sonyń saldarynan 200 tonna shóp órtenip jáne 90 bas mal janyp ketti. Onyń 67-si sıyr, 5-ýi jylqy jáne 18-i qoı», - delingen habarlamada.
Qazirgi tańda órtiń sebebi anyqtalyp jatyr.
Órt saǵat 03:34-te oqshaýlanyp, saǵat 07:04-te sóndirilgen. Sóndirý jumystaryna 37 qyzmetker jáne 8 tehnıka jumyldyrylǵan.
