Jambylda «Bir bala - bir aǵash» jobasy júzege asyrylýda
Oblys ákimdiginiń ishki saıasat bólimi bul óskeleń urpaqtyń eline, jerine degen otan súıgishtik qasıetin oıatyp, Jambyl oblysy aýmaǵynda jasyl aımaq qalyptastyrý maqsatynda uıymdastyrylǵan uzaq merzimdi joba ekendigin aıtty.
«Bir bala - bir aǵash» jobasy Memleket basshysynyń Qazaqstandy ómir súrý úshin qolaıly aımaqqa aınaldyrý týraly tapsyrmasyna oraı ótkizilýde», - dedi oblystyq ishki saıasat basqarmasynyń basshysy Ǵalııa Boranbaeva.
Joba barysynda dúnıege kelgen náresteniń ata-anasy kópjyldyq aǵash otyrǵyzý isine qatysady. Odan keıin olarǵa otyrǵyzylǵan aǵashtyń qujaty beriledi.
«Barlyq aýdandar men Taraz qalasyndaǵy aktsııanyń uıymdastyrýshylary turaqty túrde oblystyq tabıǵat resýrstary jáne tabıǵatty paıdalanýdy baqylaý basqarmasy, aýdandar jáne Taraz qalasynyń ákimdikteri bolady.
Olar aǵashty otyrǵyzý ornyn belgileıdi, jergilikti ákimdik pen perınataldy ortalyqtar arasyndaǵy baılanysty qamtamasyz etedi.
Náresteli bolǵan ata-analar aǵash otyrǵyzǵannan keıin, olarǵa kútim jasaıtyn mamandardy taǵaıyndaıdy. Jyl ótken saıyn biz otyrǵyzǵan aǵashtar sany artyp, turǵyndar úshin demalys oryndary kóbeıedi dep senemiz», - dep atap ótti Ǵalııa Boranbaeva.
Oblystyq ákimdik málimetinshe, Jambyl oblysynda qazan aıynyń ózinde 2 829 náreste dúnıege kelgen.
