Jambylda bir aıda koronavırýspen aýyrǵandar sany 5 esege ósken
Oblystyq densaýlyq saqtaý basqarmasynyń basshysy Áset Qalıev COVID-19-dyń taralýynyń jol bermeý boıynsha qabyldanǵan sharalar týraly habarlady. Onyń aıtýynsha, oblysta dári-dármek pen medıtsınalyq buıymdardyń jetkilikti ekenin, eger qajettilik bolsa 4500 tósek-orynǵa ornalastyrý múmkindigi bar ekenin jetkizdi. Salalyq basqarma Densaýlyq saqtaý mınıstrligi Medıtsınalyq jáne farmatsevtıkalyq qyzmettiń sapasyn baqylaý komıtetiniń departamentimen birlesip medıtsınalyq mekemelerdiń koronavırýstyq ınfektsııanyń yqtımal ekinshi tolqynyna daıyndyǵyna monıtorıng júrgizýde, onyń qorytyndysy boıynsha qosymsha sharalar qabyldanbaq.
Sanıtarlyq-epıdemıologııalyq ahýal týraly baıandaı kele oblystyń bas dárigeri Taraz, Shý, Qordaı aýdandarynda jaǵdaı kúrdelene túsýde ekenin jetkizdi.
Sanıtarlyq-epıdemıologııalyq baqylaý departamentiniń basshysy Neılıa Mýlıkova qazan aıymen salystyrǵanda qarashada koronavırýspen syrqattanýshylyqtyń 5,6 esege artqanyn aıtty.
Beınekonferentsııa rejıminde qatysqan aýdan ákimderi karantın talaptaryn buzýshylardy anyqtaý boıynsha atqarylǵan jumystar týraly qysqasha esep berdi.
«Monıtorıngtik toptar jumysty bosańsytqan. Kópshilik jaǵdaı retteldi dep oılaıdy. Turǵyndar ekinshi tolqynǵa alańdamaıtyn sekildi. Áıtpese, olardyń maskasyz júrgenin, antıseptık qoldanbaıtynyn, áleýmettik qashyqtyqty saqtamaıtynyn qalaı túsindirýge bolady», - dedi oblys ákimi.
Ol monıtorıng toptarynyń jumysyn kúsheıtýdi tapsyryp, ákimder bul máseleni jeke baqylaýynda ustaýy kerektigin basa aıtty.
«Oıyn-saýyq mekemeleri túnniń bir ýaǵyna deıin jumys isteıdi. Mereke qarsańynda kásipkerler múmkindiginshe kóp aqsha tabýǵa tyrysady jáne sol arqyly barlyq kelýshilerdiń densaýlyǵyna qaýip tóndiredi. Men ózim kásipkerlermen arnaıy kezdestim. Olar mekemelerdiń jumysyn qalpyna keltirýge ruqsat surady jáne barlyq sanıtarlyq normalardy saqtaýǵa ýáde berdi. Al qazirgi ahaýaldy kórip otyrsyzdar. Eger osylaı jalǵasa berse, bizdiń oblys «qyzyl» aımaqqa enýi múmkin. Buǵan jol berýge bolmaıdy. Men túsinemin, bızneske tabys kerek, jumysshylarǵa jalaqy tóleý kerek. Biraq adam ómirine qaýip tónip turǵanda, biz olaı táýekelge bara almaımyz. Monıtorıngtik toptar karantındi buzý faktilerin anyqtap, isti sotqa deıin joldaýy kerek. Birneshe ret buzǵandardy lıtsenzııasynan aıyrý kerek», - dep talap etti oblys ákimi.
Berdibek Saparbaev koronavırýspen aýyratyndar sany kóbeıe tússe, shekteý sharalaryn engizý kerektigin jetkizdi. Ol jolaýshylar kóligi jáne avtomobıl joldary basqarmasy basshylyǵyna avtobýstarda sanıtarlyq normalardyń saqtalýyn qadaǵalaýdy, turǵyndarmen turaqty túrde túsindirý jáne oblys ortalyǵynda aýqymdy dezınfektsııa jumystaryn júrgizýdi, PTR testileýimen múmkindiginshe kóp adamdy qamtýdy tapsyrdy.