Jambylda bir aıda 40-tan astam ury ustaldy
TARAZ. QazAqparat – Jambyl oblysynda jyl basynan beri urlyq jasaǵany úshin 40-tan astam kúdikti qolǵa túsken, dep habarlaıdy QazAqparat.
Qańtar aıynda bótenniń múlkin urlaǵany úshin 40-tan astam adam ustalǵan desek, onyń ishinde 6 adam - mal urlyǵymen jáne 12 adam — páter urlyǵymen ustalǵan. Olar qamaýǵa alynǵan.
Sondaı-aq, jyl basynan beri 14 qalta urysy ustalyp, sotqa deıingi tergeý ızolıatoryna qamaqqa alynǵan. Bul týraly oblystyq polıtsııa departamentiniń baspasóz qyzmeti habarlady.
«Bul baǵyttaǵy máseleler oblystyq polıtsııa departamenti basshylyǵynyń udaıy baqylaýynda. Osy turǵydaǵy qylmystardyń aldyn alý maqsatynda óńirde jedel-izdestirý toby quryldy. Mobıldi toptar urlyq jasalynýy yqtımal jerlerge, ásirese avtobýs marshrýttarynda jáne adamdar kóp jınalatyn qoǵamdyq oryndarda turaqty baqylaý júrgizýde» delingen vedomstvo habarlamasynda.
