Jambylda bir aptada balasyna bas-kóz bolmaǵan 84 ata-ana jaýapqa tartyldy
TARAZ. QazAqparat – Jambyldyq polıtseıler jasóspirimder arasyndaǵy qylmystyń aldyn alý sharalaryn júrgizdi, dep habarlaıdy QazAqparat tilshisi.
Júrgizilgen reıd barysynda Jambyl oblysynda 84 ata-ana men ózge de zańdy ókil ákimshilik jaýapkershilikke tartyldy.
Barlyǵy 63 reıd barysynda 67 kámeletke tolmaǵan bala ishki ister organdaryna jetkizildi.
Olardyń ata-anasy Ákimshilik quqyq buzý kodeksiniń 442-baby 2-bóligi boıynsha ákimshilik jaýapkershilikke tartyldy.
Sondaı-aq, alkogol ónimderin satý erejeleri týraly Qazaqstan zańnamasyn buzýdyń 2 deregi anyqtaldy.
Atalǵan dúken ıeleri Ákimshilik quqyq buzý kodeksiniń 200-baby boıynsha jaýap beredi.
Ákimshilik quqyq buzý kodeksi boıynsha taǵy 16 zańbuzýshylyq tirkeldi.
Kámelet jasyna tolmaǵan 8 bala profılaktıkalyq esepke qoıyldy. 2 jasóspirim arnaıy mektepke ornalastyryldy, bir zańdy ókil ata-ana quqyǵynan aıyryldy.
«18 shilde saǵat 00:00-de kúshine engen karantın sharalaryn eskere otyryp, oblystyń barlyq turǵyndaryn ujymdyq is-sharalardy ótkizýden jáne oǵan qatysýdan aýlaq bolýǵa, sondaı-aq balalardy, olardyń ómiri men densaýlyǵyn qorǵaýǵa shaqyramyn. Demalys kúnderi kámeletke tolmaǵan balalardyń bos ýaqyty men baılanysyn baqylaýdy kúsheıtý kerek. Buzýshylyqtar anyqtalǵan jaǵdaıda Ákimshilik quqyq buzý kodeksine sáıkes ákimshilik sharalar qabyldanady», - dep habarlady polıtsııa departamenti jergilikti polıtsııa qyzmeti basqarmasynyń bastyǵy, polıtsııa polkovnıgi Rahymberdi Áshkeev.
