Jambylda bes táýlikte 50-ge jýyq esirtki qylmysy anyqtaldy
Respýblıkalyq «Dopıng» jedel-aldyn alý is-sharasy barysynda Jambyl oblysy Polıtsııa departamentiniń Esirtki qylmysyna qarsy is-qımyl basqarmasynyń qyzmetkerleri bes kúnde 50-ge jýyq esirtki qylmysyn anyqtady. Olardyń ishinde tórt derek Qylmystyq kodekstiń 296-babynyń 4-bóligi ıaǵnı, asa iri kólemde esirtki zattaryn ótkizý maqsatynsyz zańsyz saqtaý jáne úsh derek 303-babynyń 1-bóligi (esirtki, psıhotroptyq nemese ýly zattardy paıdalaný erejelerin buzý) boıynsha tirkelgen. Bul týraly atalǵan departamenttiń baspasóz qyzmeti habarlady.
«Qylmystyq kodekstiń 296-babynyń 1-bóligi men 2-bóligi nemese qoǵamdyq oryndarda esirtki quraldaryn medıtsınalyq emes tutyný, esirtki quraldaryn ótkizý maqsatynsyz zańsyz saqtaý boıynsha 22 qylmystyq teris qylyq jáne 18 ákimshilik quqyq buzýshylyq tirkeldi. Onyń altaýy QR Ákimshilik quqyqbuzýshylyq týraly kodekstiń 427-babynyń 1-bóligi boıynsha bolsa, 1 derek QR ÁQBtK 464 jáne 426-baptarynyń ıaǵnı, farmatsevtıkalyq qyzmet jáne dárilik zattar men medıtsınalyq buıymdar aınalymy salasynyń erejeleriniń talaptaryn buzǵan»,-delingen vedomstvo málimdemesinde.
Zańsyz aınalymnan alynǵan esirtki quraldarynyń jalpy salmaǵy 237 keli 283 gramm 400 mılıgrammdy qurady. Onyń ishinde 5 keli 637 gramm marıhýana, 3,400 gramm sıntetıkalyq esirtki, 231 keli 643 gramm kúkirt qyshqyly, 1327 psıhotroptyq jáne esirtki zattary bolyp tabylady.