Jambylda bes kúnde 26 keliden astam marıhýana tárkilendi

TARAZ. QazAqparat – Jambyl oblysynda esirtki taratýǵa qarsy jedel aldyn alý is-sharalary kezinde 17 qylmystyq quqyq buzý faktisi anyqtaldy, dep habarlaıdy QazAqparat tilshisi.

Bes kúndik shara nátıjesinde zańsyz aınalymnan 26 kılogrammnan asa marıhýana esirtki zaty tárkilendi.

«Oblystyq polıtsııa departamenti esirtki qylmysyna qarsy kúres basqarmasynyń qyzmetkerleri Tasótkel aýylynan 2 shaqyrym jerde merkilik azamatty ustady. Ustalǵan 42 jastaǵy turǵynnan salmaǵy 14 kelige jýyq esirtki zaty tabyldy. Kúdikti óz kinásin moıyndap, Shý qalasynyń ýaqytsha ustaý ızolıatoryna qamaldy. Búginde sotqa deıingi tergeý amaldary júrgizilýde. Bul - is-shara kezinde anyqtalǵan 17 qylmystyq faktiniń bireýi ǵana»,-deıdi atalmysh departamenttiń baspasóz qyzmetiniń jetekshisi Gúlsara Muhtarqulova.

Sondaı-aq, operatsııa barysynda qarý-jaraq pen oq-dárini zańsyz saqtaý faktileri de áshkere bolǵan.