Jambylda belgisiz bireý 20 myń teńgemen shekarashyny «satyp almaq» boldy
TARAZ. QazAqparat - «Ońtústik» óńirlik basqarmasyna qarasty Taraz shekara jasaǵy Qyrǵyzstannan Qazaqstan shekarasyna zańsyz ótpek bolǵan 25 jastaǵy azamatty ustady, dep habarlaıdy QazAqparat Ulttyq qaýipsizdik komıtetiniń shekara qyzmetine silteme jasap.
Búgin túnde «Sypataı batyr» shekara zastavasynyń aýmaǵynda erekshe jaǵdaı oryn aldy. Shekarashylar túnde kóretin qurylǵynyń kómegimen bizdiń elge qaraı ótpek bolǵan azamatty ustady. Oqıǵa saǵat birler shamasynda oryn alǵan.
«Shekara saqshysy kórshi memlekettiń aýmaǵynan kele jatqan beıtanys adamdy baıqap, aldynan shyqty. Shekara buzýshy sol zamatta qolǵa tústi. Ustalǵan adam tekserilip jatqan kezde ózimizdiń aýmaq jaqtan beıtanys bireý kelip, elektrli dabyl berý qorshaýynyń syrtynda turyp, ustalǵan jigitti bosatý týraly ótinish aıta bastady. Ótinishinen eshteńe shyqpasyn túsingen soń qaltasynan túıinshek shyǵaryp, shekarashyǵa qaraı laqtyrady. Alaıda, shekarashy radıostantsııa arqyly kómek shaqyra bastaǵan kezde «kútip alýshy» Andas batyr aýylyna qaraı qashyp úlgerdi. Ustalǵan 25 jastaǵy qyrǵyzstandyq bolyp shyqty. Oqıǵa ornynan 5 myń teńgelik tórt kýpıýra tabyldy» delingen habarlamada.
Bolǵan jaǵdaı jóninde quqyq qorǵaý jáne basqa da organdarǵa habarlandy. Tekserý júrip jatyr.
