Jambylda avtokóliktiń júksalǵyshynan 3 qap marıhýana tabyldy
Jambyl oblysynyń PD Esirtki qylmysyna qarsy is-qımyl basqarmasynyń qyzmetkerleri jedel-izdestirý kezinde «Merki-Shý-Býrylbaıtal» avtojolynda «VAZ-21014» markaly avtokóligin toqtatyp, onyń júksalǵyshynan úsh polıetılen qapty tárkiledi.
Qaptardyń ishindegi zattyń jalpy salmaǵy - 8 keli 600 gramm. Ol keptirilgen marıhýana bolyp shyqty. Bul týraly oblystyq polıtsııa departamentiniń baspasóz qyzmeti habarlady.
Atalǵan fakt boıynsha Jambyl oblysynyń 28 jáne 31 jastaǵy eki turǵyny, sondaı-aq Nur-Sultan qalasynyń 31 jastaǵy turǵyny ustaldy.
Olar Merki aýdanynyń qumǵa jaqyn mańdaǵy aımaqtarynda marıhýana jınaýmen aınalysqan.
«QR QK 296-babynyń 4-bóligi boıynsha sotqa deıingi tergeý bastaldy. Ustalǵandar óz kinásin moıyndady, olar Merki aýdanynyń PB ýaqytsha ustaý ızolıatoryna qamaýǵa alyndy» delingen vedomstvo habarlamasynda.
