Jambylda aýyl turǵynynyń aýlasynan qarý-jaraq tabyldy
Qańtar aıynyń basynda bolǵan jappaı tártipsizdik barysynda urlanǵan qarýdy anyqtaý maqsatynda Merki aýdany polıtsııa bóliminiń qyzmetkerleri jedel-izdestirý jumysyn turaqty negizde júrgizip jatyr.
Jańaturmys aýylynyń 19 jastaǵy turǵynynyń turǵylyqty jerin tintý kezinde úı mańyndaǵy aýmaqtan jerge kómilgen paketter tabyldy.
Paketterden «Kalashnıkov» markaly 1 avtomat, 3 travmatıkalyq gaz tapanshasy, avtomatqa arnalǵan 76 patron jáne tegis uńǵyly ańshylyq qarýǵa arnalǵan 26 patron tabylyp, tárkilendi.
Ustalǵan azamat óz kinásin tolyq moıyndady.
Atalǵan derekke qatysty Qazaqstan Respýblıkasy Qylmystyq kodeksiniń 287-baby 3-bóligi boıynsha sotqa deıingi tergeý amaldary bastaldy.
Sonymen qatar sot-ballıstıkalyq saraptama taǵaıyndaldy.
«Jambyl oblysynyń polıtsııa departamenti qarýdyń, oq-dárilerdiń, arnaıy quraldardyń ornalasqan jeri týraly habarlaǵan nemese ony polıtsııaǵa óz erkimen tapsyrǵan tulǵanyń qylmystyq jáne ákimshilik jaýapkershilikke tartylmaıtynyn taǵy da eskertedi. Anonımdilikke kepildik beriledi»,-delingen polıtsııa habarlamasynda.
