Jambylda aýyl turǵynynan 4 qap esirtki tárkilendi

TARAZ. QazAqparat – Jambyl oblysy Shý aýdanyndaǵy Jańa jol aýylynyń 25 jastaǵy turǵynynan 125 keliden astam marıhýana tárkilendi, dep habarlaıdy QazAqparat oblystyq Polıtsııa departamentine silteme jasap.

Esirtki qylmysyna qarsy is-qımyl basqarmasynyń qyzmetkerleri kúdiktini «Kóknar-2019» jedel-aldyn alý is-sharasy barysynda qolǵa túsirgen.

«Qolǵa túsken kúdiktiden ózine tán erekshe ıisi bar ósimdik salynǵan tórt qap tárkilendi. Sot-hımııalyq saraptamasynyń qorytyndysyna sáıkes, bul jalpy salmaǵy 125 keli 800 gramm «keptirilmegen marıhýana» esirtkisi»,-delingen oblystyq polıtsııa departamentiniń baspasóz qyzmeti taratqan habarlamada.

Aıta keteıik, búgingi tańda kúdikti kinásin moıyndady. Ol Shý qalasynyń ýaqytsha ustaý ızolıatoryna qamaldy.

Osy is boıynsha QR QK 296-babynyń 4-bóligi boıynsha sotqa deıingi tergeý amaldary júrgizilýde.