Jambylda aýyl turǵyny shomylýǵa tyıym salynǵan jerde sýǵa batyp ketti
TARAZ. QazAqparat - Jambyl oblysynyń Merki aýdanynda er adam sýǵa batyp, mert boldy, dep habarlaıdy QazAqparat tilshisi Jambyl oblysy Tótenshe jaǵdaılar departamentine silteme jasap.
«1 shilde kúni tańǵy saǵat 8.00-de Merki aýdanynyń Ańdas-Batyr aýylyna qarasty Aral-Kıshlak bólimshesindegi «Kaskad-1» sý qoımasyna 53 jasar aýyl turǵyny batyp ketti. TJD Jedel qutqarý jasaǵynyń tórt qyzmetkeri 21.40-ta azamattyń máıitin sýdan alyp shyqty» delingen habarlamada.
Jambyl oblysynyń Tótenshe jaǵdaılar departamentindegiler qaıǵyly oqıǵa shomylýǵa arnalmaǵan jerde bolǵanyn jetkizdi.
2018 jyl bastalǵaly beri oblystyń sý qoımalarynda dál osyndaı sońy ólimge ákep soqqan 9 oqıǵa tirkelgen. Jambyl oblystyq TJD qyzmetkerleri mundaı jaǵdaılardyń aldyn alý jáne halyqqa eskertý maqsatynda Taraz qalasy men oblys aýmaǵyndaǵy qaýipti sý qoımalarynda reıdter júrgizýde.
