Jambylda «Aýyl–el besigi» jobasymen 104 nysan jóndelip, 4 nysan boı kóterýde
TARAZ. QazAqparat – Jambyl oblysynda «Aýyl – el besigi» jobasy aıasynda 108 joba júzege asýda, dep habarlaıdy QazAqparat.
Elbasynyń «Aýyl – el besigi» arnaıy jobasy aýyldyq eldi mekenderdi damytýǵa baǵyttalǵan biregeı bastama. Memleket basshysynyń Joldaýynda da atalǵan joba aıasyndaǵy jumystardy kúsheıtý tapsyryldy. Búginde joba aıasynda oblystaǵy Baızaq, Jambyl, Shý aýdandarynyń ortalyqtarynda 108 joba iske asýda. Bul baǵytta 2 mıllıard 77 mıllıon teńge qarastyrylǵan. Onyń 104 jobasy áleýmettik, turǵyn-úı kommýnaldyq sharýashylyǵy, kólik ınfraqurylymdary nysandaryn jóndeý boıynsha, qalǵan 4 jobasy áleýmettik nysandar qurylysyn júrgizýge arnalǵan. Qazirgi tańda 31 nysan tolyqtaı salynyp bitti.
«Prezıdentimiz 2020-2024 jyldarǵa osy «Aýyl –el besigi» jobasyn qarjylandyrýdy úsh esege kóterip, aýyldyq eldi mekenderdi qamtý sanyn arttyrýǵa baǵyttap otyr. Respýblıka tarapynan 373 eldi mekenniń qazirgi óńirlik standarty ázirlendi. Sol óńirlik standartqa sáıkestendirý jumystary bastalyp ketti. Osy sáıkestendirý baǵytynda bizde 62 tirekti eldi mekender tańdalyp alyndy. Aldaǵy ýaqytta olardy qarjylandyrýǵa baǵyttaıtyn bolamyz»,-deıdi oblystyq ekonomıka jáne bıýdjettik josparlaý basqarmasynyń basshysy Gúldana Jaýynbekova.
Al, 2020 jylǵa osy oraıda oblysqa 2 mıllıard teńge kóleminde qarjy lımıti belgilenip, oǵan Qordaı, Merki, Saýdakent aýyldarynda 53 jobany júzege asyrý josparlanýda.
