Jambylda aýdan ortalyqtarynyń da ajary artady – Asqar Myrzahmetov
Taraz qalasynyń aınalasynan jasyl aımaq qurý, qala kósheleriniń kelbetin arttyrý máseleleri oblys basshysy aımaq basshysynyń tikeleı nazaryndaǵy dúnıeler. Sondaı-aq, qazirgi tańda tek oblys ortalyǵynyń ǵana emes, aýdan ortalyqtarynyń da ajaryn arttyrýǵa baǵyttalǵan jumystardy jandandyrý – negizgi talaptardyń birine aınalyp otyr. Bul týraly oblys ákimdiginde ótken sáýlet jáne qala qurylysy, memlekettik sáýlet-qurylys baqylaý basqarmalarynyń toǵyz aılyq eseptik jıynynda aıtyldy.
«Tek oblys ortalyǵy ǵana emes, aýdandar men aýyldarda da halyqtyń basym bóligi turatynyn eskerý kerek. Ondaǵy turǵyndardyń bári Taraz qalasyna jıi kelýge múmkindikteri bola bermeıdi. Sondyqtan aýdan ortalyqtarynyń sáýlettik kelbetin arttyryp, ondaǵy halyqtyń tynyǵýyna, boı jazyp serýendeýi úshin tıisti jaǵdaılardy jasaý kerekpiz»,-dedi oblys basshysy óz sózinde.
Jıynda aýdan ortalyqtarynyń sáýlettik kelbetine qatysty jumystar barysy jan-jaqty saralandy. Bul baǵytta buǵan deıin atalǵan basqarma men aýdan ákimderi arasynda birlesken is-sharalar jospary bekitilgen desek, aımaq basshysy bul jospardyń qanshalyqty oryndalyp otyrǵandyǵyna asa kóńil bólip, osy oraıdaǵy jumystardy jandandyra túsýdi tapsyrdy.
Aıta keteıik, búginde oblys boıynsha 377 eldi meken bar bolsa, onyń ishinde halyq sany 5 myńnan asatyny — 28. Bul eldimekenderdiń barlyǵy Bas jospar men ońaılatylǵan syzbalarymen qamtamasyz etilgen.
