Jambylda atys qarýy bar 9 myń adam tekserildi
TARAZ. QazAqparat – Jambyl oblysynyń aýmaǵynda «Ýchaske» jedel-aldyn alý is-sharasynyń qorytyndysy shyǵaryldy, dep habarlaıdy QazAqparat tilshisi.
Atalǵan is-sharalar aıasynda, oblys aýmaǵyndaǵy turǵylyqty jeri boıynsha atys qarýy bar 9 101 adam tekserildi. Tekserý barysynda QR ÁQBtK – ne sáıkes, atys qarýyn saqtaý erejelerin buzýdyń 245 jaǵdaıy joıyldy. Budan basqa, azamattarda qandaı da bir ruqsat qujattarynsyz turǵan zańsyz atys qarýynyń 108 birligi tárkilendi. Іs júrgizý sheshimin qabyldaý jáne barlyq tárkilengen qarýdyń qylmystarǵa qatystylyǵyn tekserý úshin ballıstıkalyq saraptama taǵaıyndalǵan.
«Jalpy jedel-aldyn alý is-sharasy barysynda 204 041 ákimshilik quqyq buzýshylyq anyqtalyp, tıisti sharalar qabyldandy, onyń ishinde 732 derek turmys salasyndaǵy zańnamany buzý, 64 derek balalaryn tárbıeleý jáne oqytý boıynsha ata-ana mindetterin tıisinshe oryndamaý, 531 usaq buzaqylyq deregi, 144 derek qorǵaý nusqamasyn buzý, 3 801 derek qoǵamdyq orynda mas kúıinde bolý, 6 449 derek pasportsyz nemese jeke kýáliksiz turý jáne QR zańnamasyn ózge de buzýshylyqtar»,- dep habarlady PD JPQB bastyǵynyń orynbasary Manas Ábdikárimov.
Qazirgi ýaqytta oblystyń barlyq ýchaskelik ınspektorlary turǵyndardyń jalpy úılik chattaryna qosylǵan, oǵan turǵyndar, KSK jáne aımaq komıtetteriniń basshylary, jergilikti atqarýshy organdardyń ókilderi qosylǵan.
