Jambylda arqar atqan brakoner ustaldy
TARAZ. QazAqparat – Jambyldyq polıtseıler arqar atqan alǵan brakonerdi qolǵa túsirdi, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Jambyl oblystyq polıtsııa departamentiniń jergilikti polıtsııa basqarmasynyń tabıǵatty qorǵaý polıtsııasy qyzmetkerleri Moıynqum aýdanyndaǵy áriptesterimen birge arqar atyp alý deregimen 51 jastaǵy azamatty ustaǵan. Janýardy atqan Moıynqum aýdany Aqbaqaı aýylynyń turǵyny bolyp shyqty.
«Ustalǵan azamat óz kinásin moıyndady. Sot-bıologııalyq saraptamanyń qorytyndysyna sáıkes, brakonerdiń ań aýlaýy memleketke shamamen 12 mıllıon teńge kóleminde zalal keltirgen. Atalǵan fakti boıynsha QR QK 337 baby ıaǵnı zańsyz ań aýlaý boıynsha sotqa deıingi tergeý bastaldy»,-delingen vedomstvonyń habarlamasynda.
Aıta keteıik, arqar «Qyzyl kitapqa» engen erekshe qorǵalýdy qajet etetin janýar.
