Jambylda anyqtalǵan naýqaspen baılanysta bolǵan 3 adam karantınge jatqyzyldy
TARAZ. QazAqparat – Jambyl oblysynda koronavırýs juqtyrǵandyǵy búgin anyqtalǵan naýqas Taraz qalasynyń turǵyny,- dep habarlaıdy QazAqparat oblys ákimdigiginiń resmı saıtyna silteme jasap.
«1975 jyly týǵan azamat 10 sáýirde jótel men dene qyzýynyń joǵarylaýyna qatysty shaǵymdanyp, aýrýhanaǵa jatqyzyldy. Alynǵan PTR zerthanalyq taldaýlar qorytyndysy COVID-2019 ınfektsııasyna oń nátıje kórsetken. Naýqas ınfektsııalyq statsıonarǵa aýystyryldy. Epıdemıologııalyq tekserý barysynda jaqyn baılanysta bolǵan 3 adam anyqtalyp, karantındik statsıonarǵa ornalastyryldy. Olardan zerthanalyq zertteýge analız alyndy»,- delingen oblys ákiminiń baspasóz qyzmetiniń habarlamasynda.
Turǵylyqty jáne barǵan oryndary boıynsha epıdemııaǵa qarsy is-sharalar júrgizilgen. Baılanysta bolǵan tulǵalardy anyqtaý jumystary jalǵasýda.
