Jambylda Ámirjan Qosanovtyń saılaýaldy tuǵyrnamasy tanystyryldy

TARAZ. QazAqparat - Jambyl oblysy Baızaq aýdany Túımekent aýylynda 14 mamyr kúni Ámirjan Qosanovtyń oblystyq saılaýaldy shtabynyń úgit-nasıhat toby jergilikti turǵyndarmen kezdesý ótkizdi. Bul týraly úmitkerdiń baspasóz qyzmetine silteme jasap QazAqparat habarlaıdy.

Kezdesýge Á.Qosanovtyń aımaqtaǵy senimdi ókilderi - oblystyq shtabtyń basshysy Baqytjan Maqashev, QR Bilim berý isiniń úzdigi, fılologııa ǵylymdarynyń kandıdaty, QR Jýrnalıster Odaǵynyń múshesi Temirbaı Muqashev, QR Mádenıet salasynyń úzdigi, respýblıkalyq dástúrli ánshiler baıqaýynyń birneshe márte jeńimpazy Baqyt Shaǵyrbaev qatysty.

Kezdesý barysynda elimizdiń ishki jáne syrtqy saıasaty, jergilikti halyqtyń áleýmettik máseleleri talqylanyp, Ámirjan Qosanovtyń saılaýaldy platformasy tanystyrylady. Úmitkerdiń platformasy keńirek zerdelenip, túsindirilip, qatysýshylardyń suraqtaryna jaýap berildi. Kezdesý sońynda ánshi B.Shaǵyrbaevtyń oryndaýyndaǵy ánder kópshilikke tartý etiledi.