Jambylda altyn qazýmen zańsyz aınalysqan eki top ustaldy
TARAZ. QazAqparat – Jambyldyq polıtseıler Jambyl aýdanynda altyn qazýmen aınalysqandardy ustady, dep habarlaıdy QazAqparat.
Qyrkúıektiń 7-sinen 8-ine qaraǵan túni Jambyl oblysynyń polıtsııa departamenti krımınaldyq polıtsııa basqarmasynyń qyzmetkerleri quramynda altyny bar ken izdeýmen jáne óz betinshe jınaýmen aınalysqan eki topty qolǵa túsirdi. Bul týraly atalmysh departamenttiń baspasóz qyzmeti málimdedi.
«Ustalǵan eki toptyń bireýinde úsh adam, ekinshisiniń quramynda tórt adam bolǵan. Olar zańsyz kásibin Aqbulaq aýylyna jaqyn mańdaǵy Jambyl aýdanynyń taýly jerlerinde júzege asyrǵan. Altyn izdeýshilerdiń úsh avtokóliginde jumysqa qajetti barlyq qural-saıman bolǵan. Polıtsııa qyzmetkerleri qural-jabdyqtarmen birge altyny bar ken tastary salynǵan tórt qapty tárkiledi» delingen vedomstvo habarlamasynda.
Atalǵan derekke qatysty Qylmystyq kodekstiń 334-baby 1-bóligimen («Jer qoınaýyn óz betimen paıdalaný») sotqa deıingi tergeý amaldary bastaldy.
