Jambylda alty aıda órt oqıǵasynan 14 adam qaza tapqan
TARAZ. QazAqparat – Jambyl oblysynda aǵymdaǵy jyldyń alty aıynda 310 tótenshe jaǵdaı tirkelip, 4866 adam zardap shegip, ókinishke oraı 18 adam qaza tapqan,-dep habarlaıdy QazAqparat tilshisi.
Aǵymdaǵy jyldyń 15 shildesinde Taraz qalasy №2 mamandandyrylǵan órt sóndirý bóliminiń májilis zalynda, karantındik sharalardy saqtaı otyryp, Jambyl oblysy TJD bastyǵynyń mindetin ýaqytsha atqarýshy polkovnık Maqsat Qosybaevtyń tóraǵalyǵymen aǵymdaǵy jyldyń І jartyjyldyǵynda atqarylǵan jumystar boıynsha jedel keńes ótkizildi.
Qorytyndy keńeste qurylymdyq jáne vedomstvolyq baǵynysty bólimsheler bastyqtarynyń baıandamalary tyńdaldy. Tótenshe jaǵdaılardyń aldyn alý boıynsha sharalar qabyldaý maqsatynda jedel keńes tóraǵasy polkovnık M.Qosybaev qyzmet baǵyttary boıynsha naqty talaptar qoıa bildi.
Jalpy, aǵymdaǵy jyldyń alty aıynda oblys aýmaǵynda 310 tótenshe jaǵdaı tirkelgen. Olardan 4866 adam zardap shegip, ókinishke oraı 18 adam qaza tapqan.
Sondaı-aq oblys aýmaǵynda 284 órt oqıǵasy oryn alyp, saldarynan 14 adam ajal qushqan. Ótken jyldyń tıisti kezeńimen jylmen salystyrǵanda órtterdiń sany 24 paıyzǵa, materıaldyq zalal 20 paıyzǵa, órtterden qaza bolǵandar 7 esege ósken.
