Jambylda alty aı buryn 33 jylqyny urlaǵan barymtashylar ustaldy
TARAZ. QazAqparat - Jambyldyq polıtseıler jedel izdestirý barysynda jylqy urlyǵy boıynsha kúdikti topty quryqtady, dep habarlaıdy QazAqparat.
Aıta keteıik, 15 qańtardan 16 qańtarǵa qaraǵan túni Shý aýdanyndaǵy sharýa qojalyqtarynyń birinen 33 jylqy joǵalyp ketken bolatyn. Krımınaldyq polıtsııa qyzmetkerleri jedel izdestirý sharalary barysynda bes adamnan turatyn kúdikti topty anyqtady. Bul týraly oblystyq polıtsııa departamentiniń baspasóz qyzmeti málimdedi.
«Kúdikti toptyń músheleri - T.Rysqulov aýdanyna qarasty bir aýyldyń turǵyndary. Barlyq kúdikti ustaldy. Qazirgi ýaqytta olardyń basqa qylmystarǵa qatysy bar-joǵy anyqtalýda. Sondaı-aq, QR QK 188-baby 4-bóligi boıynsha sotqa deıingi tergeý amaldary júrgizilip jatyr»,-deıdi polıtsııa departamenti baspasóz qyzmetiniń jetekshisi Gúlsara Muhtarqulova.
