Jambylda alkogol ónimderin daıyndaıtyn jasyryn tseh anyqtaldy

NUR-SULTAN. QazAqparat – Qarjylyq monıtorıng agenttiginiń Jambyl oblysy boıynsha departamentiniń qyzmetkerleri kontrafaktilik esepke alý-baqylaý markalaryn qoldanyp, jasandy alkogol ónimin daıyndaıtyn tsehty anyqtady, dep habarlaıdy QazAqparat vedomstvonyń baspasóz qyzmetine silteme jasap.

«Tintý kezinde 3 myń lıtrge jýyq alkogol ónimi, 36 myńnan astam bótelke araq, jalǵan esep-baqylaý markalary, qaqpaqtardy jabýǵa arnalǵan qurylǵylar tárkilendi. Qazirgi ýaqytta tergeý amaldary júrgizilip jatyr. Qylmystyq-protsestik kodekstiń 201-babyna sáıkes, ózge málimetter jarııa etýge jatpaıdy», - delingen resmı habarlamada.