Jambylda alǵash ret ókpeniń qaterli isigin taratpaıtyn ota jasaldy
TARAZ. QazAqparat – Jambyl oblysynda alǵash ret ókpeniń qaterli isigin taratpaıtyn jańasha ota túri jasaldy, - dep habarlaıdy QazAqparat tilshisi.
Jambyl oblystyq kópbeıindi aýrýhanasynyń onkologııalyq qurylymynda ókpeniń qaterli isikterin jan-jaǵyna tarala bastaǵkezeńinde shuǵyl emdeý boıynsha sheberlik synyby ótkizildi. Oǵan Qazaq onkologııa jáne radıologııa ǵylymı-zertteý ınstıtýtynyń medıtsına ǵylymdarynyń kandıdaty, PHD doktory Maqsat Qarasaev qatysty.
Sheberlik synyby aıasynda tynys alý jetkiliksizdigi men ókpeden qan ketýden zardap shekken Taraz qalasynyń 63 jastaǵy turǵynyna ota jasaldy. Naýqasqa oń jaq ókpesiniń tómengi bóliginiń kartsınomasy jáne bıfýrkatsııalyq lımfa túıinderindegi metastazdar dıagnozy qoıyldy.
«Almatylyq onkohırýrg M.Karasaev keńeıtilgen aralas operatsııa jasady. Jambyl oblystyq kópbeıindi aýrýhanasynyń onkologııalyq qurylymynyń hırýrgııa bólimshesinde ókpe obyry kezinde torakaldy otalar jasalyp turady, alaıda mundaı keń kólemdegi rekonstrýktıvti-plastıkalyq ota alǵash ret jasaldy»,-delingen densaýlyq saqtaý basqarmasynyń baspasóz qyzmetiniń habarlamasynda.
