Jambylda ábden tozyǵy jetip, qoldanýǵa tyıym salynǵan vagondar temirjolda júrgen

TARAZ. QazAqparat – Jambyl oblysynda qoldanýǵa tyıym salynǵan vagondar men elektrovozdardyń temirjol boıynda júrgeni anyqtaldy, dep habarlaıdy QazAqparat tilshisi.

Mundaı faktini kólik prokýrorlary anyqtaǵan. ıAǵnı, 2 qyzmettik vagon men 11 elektrovoz ábden tozyǵy jetse de, temirjoldan túspegen. Sondaı-aq ónerkásiptik qaýipsizdik týraly deklaratsııasy bolmasa da, úsh kirme jol eki jyldan astam ýaqyt boıy paıdalanylyp kelipti. Mamandar bul jaǵdaı jergilikti turǵyndar men temirjol qyzmetine qaýip tóndiretinin aıtady.

«Bul tehnıka men kirme joldardy paıdalaný ýaqytsha toqtatyldy. Kirme jol qojaıyndary ákimshilik jaýapqa tartyldy. 160 myń teńgeden astam aıyppul salyndy. Temirjol kóligindegi qaýipsizdik sharalary erekshe baqylaýǵa alynǵan»,- deıdi Jambyl kólik prokýratýrasynyń aǵa prokýrory Nurbol Joraev.