Jambylda 9 myńǵa jýyq júkti áıel tumaýǵa qarsy vaktsına aldy
Jyl saıyn kúz mezgilinen bastap JRVI jáne tumaý aýrýynyń maýsymdyq ósimi baıqalady.
Ótken jyly Jambyl oblysy halqynyń bul aýrýǵa shaldyǵýy shekti deńgeıden aspasa, bıylǵy 3 qazannan bastap jedel respıratorly vırýstyq ınfektsııanyń 1798 jaǵdaıy tirkelgen.
JRVI-men esepte turǵyndardyń negizgi bóligi - 14 jasqa deıingi balalar (1021). Onyń ishinde 1 jasqa deıingi balalar – 239. Bul týraly oblystyq densaýlyq saqtaý basqarmasynyń baspasóz qyzmeti habarlady.
«Jambyl oblysynda 1 qazanda jyl saıynǵy halyqty tumaýǵa qarsy ımmýndaý bastalǵan. Sodan beri 345 580 turǵynǵa ekpe egildi, barlyǵy asqynýsyz, jaqsy ótti. Naqtyraq aıtsaq, 14 jasqa deıingi 151 101 bala, 194 479 eresek adam tumaýǵa qarsy ekpe aldy. Birinshi kezekte táýekel topqa jatatyn tulǵalar ekpemen tolyǵymen qamtyldy. Onyń ishinde 22 516 medıtsınalyq qyzmetkerler, 8 897 júkti áıel, 122 434 sozylmaly aýrýlary bar tulǵalar bar» delingen vedomstvo habarlamasynda.
Mamandar vaktsınatsııadan keıin ımmýnıtet 14 kúnnen soń qalyptasatynyn jáne maýsym boıy, ıaǵnı 12 aıǵa sozylatyn aıtady.
Usynylatyn ekpe egý merzimine qazan men qarasha aılary jatady.