Jambylda 82 tulǵaǵa aıyppul salynyp, 13 adam qamaýǵa alyndy
TARAZ. QazAqparat – Jambyl oblysynda tótenshe jaǵdaı kezinde 173 ákimshilik quqyq buzýshylyq anyqtaldy, dep habarlaıdy QazAqparat.
Oblysta karantın rejıminiń engizilýine oraı patrýldik narıadtardyń jumysy kúsheıtilgen. Eki aýysymdyq rejımde qalada 10 mobıldi beket kezekshilik etýde. Olardyń árqaısysyna oblystyq polıtsııa departamenti basqarmasynyń jaýapty basshylary bekitilgen. Bul týraly atalǵan departamenttiń baspasóz qyzmeti habarlady.
«Tótenshe jaǵdaı kezinde 173 ákimshilik quqyq buzýshylyq anyqtaldy. Onyń 172-si QR ÁQBtK-niń 476-baby boıynsha oryn alǵan. Atap aıtar bolsaq, 10 adamǵa eskertý, 82 adamǵa 10 AEK mólsherinde ákimshilik aıyppul salynyp, 13 fakti boıynsha ákimshilik qamaý jazasy qoldanylǵan. Qalǵandary boıynsha materıaldar sotqa joldandy. Sonymen qatar, bir adam QR ÁQBtK-niń 478-baby boıynsha ákimshilik qamaýǵa alyndy», - delingen vedomstvo habarlamasynda.
Sonymen qatar, ýchaskelik polıtsııa ınspektorlary aýlalardy aralap, oblys ortalyǵy men aýdandaryndaǵy patrýldeý barysynda turǵyndardy karantın talaptaryn oryndaýǵa qatysty eskertýler jasaýda.
