Jambylda 800 myń teńge para alǵan aýdandyq aýrýhananyń bas dárigeri sottaldy

MERKІ. QazAqparat - Jambyl oblysy Merki aýdandyq aýrýhanasynyń bas dárigeri sottaldy, dep habarlaıdy QazAqparat aımaqtaǵy sybaılas jemqorlyqqa qarsy qyzmetke silteme jasap.

Bas dáriger B. Qurmanáli 2019 jyldyń 12 maýsymynda «K» kompanııasynyń ókilinen memleketti satyp alý týraly kelisimshart boıynsha qurǵaq balalar taǵamyn Merki aýdandyq aýrýhanasyna jetkizý úshin oryndalǵan jumystar aktisine qol qoıý úshin 800 000 teńge para alǵan. Osy kezde ony sybaılas jemqorlyqqa qarsy is-qımyl departamentiniń qyzmetkerleri ustady.

Ótken jyly 12 qarashadaǵy Merki aýdandyq sotynyń úkimine sáıkes, B. Qurmanáli QR QK 366-baby 2-bóligimen kináli dep tanylyp, oǵan 3 jylǵa sottaý jazasy taǵaıyndalǵan. Ol memlekettik qyzmette eńbek etý quqyǵynan ómir boıyna aıyryldy.