Jambylda 79 jastaǵy qarııa koronavırýstan jazylyp shyqty
TARAZ. QazAqparat – Jambyl oblysynyń 79 jastaǵy turǵyny koronavırýsty jeńip shyqty, dep habarlaıdy QazAqparat tilshisi.
Jýaly aýdany Qaırat aýylynyń 79 jastaǵy turǵyny koronavırýs belgileri boıynsha jedel járdemmen Jambyl oblystyq kópbeıindi balalar aýrýhanasyna jetkizilgen.
Qabyldaý barysynda naýqastyń jaǵdaıy óte aýyr bolǵan. Dene qyzýy 38,5 gradýsqa deıin kóterilip, tynys alý qıyndap, saýsaqtary men erinderi kógerip, ottegi satýratsııasy — 89 paıyzdy quraǵan.
Medıtsınalyq tekserý kezinde Amanjol Dúráliulynda aýyr dárejeli COVID-19, eki jaqty vırýstyq pnevmonııa, tynys alý jetkiliksizdiginiń úshinshi satysy anyqtalǵan.
Aqsaqaldyń qosymsha sozylmaly aýrýlar bar. Atap aıtsaq, júrektiń ıshemııalyq aýrýy, ıshemııalyq kardıomıopatııa, júrek jetkiliksizdigi jáne úshinshi satydaǵy gıpertenzııa. 2019 jyly ol jedel mıokard ınfarktisin bastan ótkergen. Táýekel toby óte joǵary.
«Qarııa eki kún jansaqtaý bóliminde bolyp, ÓJJ apparatyna qosylǵan. Dárigerlerdiń naqty jáne úılesimdi áreketiniń arqasynda ol vırýsty jeńip, tolyq aıyǵyp, aýrýhanadan shyǵaryldy.
Amanjol ata medıtsına qyzmetkerlerine rızashylyǵyn jetkizip, densaýlyq, uzaq ǵumyr tiledi.
«Alla sizderdiń ıgi isterińiz ben adal eńbekterińizdi eselep qaıtarsyn. Otbasylaryńyz aman, elimiz tynysh bolsyn», - dedi ol.
