Jambylda 7 myńnan astam túlek UBT tapsyrýǵa onlaın ótinish bergen

TARAZ. QazAqparat – Jambyl oblysy boıynsha mektep bitirgeli otyrǵan 9 171 túlektiń 78,3 paıyzy, ıaǵnı 7 181 oqýshy UBT-ǵa qatysý úshin onlaın ótinish tapsyrdy, dep habarlaıdy QazAqparat.

Jalpy bıyl óńirdegi UBT tapsyrýǵa ótinish bergen túlektiń 383-i - «Altyn belgige» jáne 366 túlek - úzdik attestatqa úmitker.

«Bıylǵy oqý jylynda qashyqtan oqytý júıesine sáıkes 9, 11 synyptarda qorytyndy attestattaý aǵymdaǵy oqý jylynyń jyldyq baǵacy negizinde júrgiziledi. Jalpy UBT oblysta maýsymnyń 20-sy men shildeniń 5-i aralyǵynda 10 testileý ótkizý pýktinde ótedi. Bıylǵy testtiń ereksheligi beriletin test tapsyrmalarynan IV-shi toqsannyń materıaldary boıynsha suraqtar alynyp tastaldy»,- deıdi oblys bilim basqarmasynyń orta bilim bóliminiń basshysy Aıdyn Dosybaeva.

Qazirgi tańda aımaqta ulttyq biryńǵaı testileýge túlekterdi daıyndaý jumystary júrgizilýde. Bul boıynsha bilim basqarmasynyń saıtynda arnaıy paraqsha ashylyp, pedagogtardyń onlaın sabaqtary kúndelikti jarııalanýda.

Budan bólek túlekter qashyqtan oqytýǵa kóshkeli Ulttyq testileý ortalyǵynyń www.testcenter.kz. saıtynda, «Daryn.online», BilimLand portalynda jáne «iTest» vırtýaldy kesheninde jarııalanǵan onlaın test tapsyrmalary arqyly baıqaý synaqtarynan tegin ótýde. Onda testiń 70 nusqasy berilipti.

«Tarazdyq túlekter mamyr aıynan bastap «PyVela» kópfýnktsıonaldy mobıldi qosymshasy arqyly ulttyq biryńǵaı testileýge tegin daıyndalýǵa múmkindik aldy. Oqýshylardyń daıyndyǵy árbir mektep dırektorynyń, bilim bólimderi basshylarynyń jeke baqylaýynda»,-dep atap A.Dosybaeva.