Jambylda 6,8 myń otbasyǵa AÁK tóleýde kemshilik oryn alǵan
Alaıda, búginde tapqan tabysyn jasyryp, áleýmettik kómekti alyp qalǵysy keletin, áıteýir memlekettiń qarajatyn paıdalanyp qalǵysy keletinder kóbeıdi. Bul oraıda, oblysta 8 073 otbasy nemese 34 803 adamnyń tabysty ekeni anyqtalyp, olarǵa eshqandaı ataýly áleýmettik kómek taǵaıyndalmaǵan.
Óńirde ótinish berý kezinde tabystaryn jasyrǵan jáne jalǵan aqparat bergen otbasylar anyqtaldy. Máselen, basqarmanyń málimetinshe, Gúlnur Saýqanova – Qordaı aýdanyndaǵy Betqaınar aýylynyń turǵyny. Ataýly áleýmettik kómek alýǵa 2019 jyldyń 25 mamyrynda ótinish bergen. Otbasy quramynda kúıeýi, enesi, kelini, aǵasy, jeńgesi jáne 4 bala, barlyǵy 10 adam bar. Ótinish berý kezinde jan basyna shaqqandaǵy tabysy óz-ózin jumyspen qamtýshylar esebinen 17 myń teńgeni qurap, olarǵa 1 474 632 teńge taǵaıyndalǵan. ıAǵnı aıyna 122 886 teńge. Alaıda, júıege tirkeý kezinde ótinish berýshi men onyń aǵasy birinshi toqsanda «INDUSTRIAL CJN» jaýapkershiligi shekteýli seriktestiginde jumys istegenin jasyrǵan.
Búginde zerdeleý jumystarynyń nátıjesinde júıeden qaıta suratý kezinde Gúlnur Saýqanovaǵa 253 250 teńge jáne aǵasy Oraq Saýqanovqa qańtar, aqpan jáne naýryz aılaryna 477 324 teńge eńbekaqy aýdarylǵany anyqtaldy. Nátıjesinde olardyń jan basyna shaqqandaǵy tabystary 41 352 teńge bolatyny belgili.
Búgingi tańda olarǵa ataýly áleýmettik kómek toqtatylyp, mamyr, maýsym jáne shilde aılarynda alǵan 368 658 teńgeni qaıtarý týraly habarlama berildi.
Sol sııaqty, Jambyl aýdanyndaǵy Qostóbe aýylynyń turǵyny, zeınetker Aqyltaı Rahmanqulov ta 2019 jyly 20 mamyrda ótinish bergen. Otbasy quramynda 8 adam dep kórsetilgen. Otbasynda ózi, balasy men kelininen basqa 5 bala bar. Ótinish berý kezinde jan basyna shaqqandaǵy tabysy 19 078 teńgeni qurap, olarǵa 1 267 848 teńge taǵaıyndalǵan. ıAǵnı, aıyna 105 654 teńge alǵan. Alaıda, zerdeleý barysynda ıeliginde 37 jylqysy jáne 5 sıyry bar ekeni anyqtaldy. Búginde olarǵa tıesili 316 962 teńge kólemindegi ataýly áleýmettik kómek toqtatylyp, ony qaıtarý týraly habarlama berildi. Oblys ákimdiginiń Jumyspen qamtýdy úılestirý jáne áleýmettik baǵdarmalar basqarmasynyń málimetine sáıkes, ataýly áleýmettik kómek taǵaıyndaý jáne tóleý barysynda kemshilikter oryn alǵan 6 891 otbasynyń tizimi anyqtalǵan. Onyń ishinde 933 otbasyna zańsyz taǵaıyndalǵan 133,5 mıllıon teńge bıýdjetke qaıtarylýy qajet. Búginge 13,4 mıllıon teńge qaıtarylǵan jáne qalǵan aqshalardy qaıtarý boıynsha da jumystar jalǵasýda.
«933 otbasyǵa tólemderdi toqtatý nátıjesinde jyl sońyna deıin 362,6 mıllıon teńge únemdeletin bolady. Búginde qalǵan 5 589 otbasy boıynsha da tólemder toqtatylyp, olardyń zańdylyǵy, qaıta esepteý qajettiligi anyqtalý ústinde. Sonymen qatar, qarjy únemdeý maqsatynda 1 qyrkúıekten bastap búginge deıin 730 ótinish tirkelse, onyń 385-ine kómek taǵaıyndaýdan bas tartylǵan. Tek 345-ine ǵana 29,9 mıllın teńge ataýly áleýmettik kómek taǵaıyndalǵan», - deıdi basqarma basshysy Tımýrjan Nurymbetov.
