Jambylda 58 aýylda múldem sport alańshalary joq
Bul týraly Jambyl oblystyq dene shynyqtyrý jáne sport basqarmasynyń basshysy Arman Tashmetov apparattyq keńeste habarlady.
Onyń aıtýynsha, oblys sportshylary bıyl úsh aı ishinde túrli respýblıkalyq jáne halyqaralyq jarystarda 396 medalǵa ıe bolǵan. Onyń 141-i altyn bolsa, 126-sy kúmis, 129-y qola.
«Biz Jambyl oblysynyń barlyq eldi mekeninde zertteý jumystaryn júrgizdik. Nátıjesinde oblystaǵy 369 eldi mekenniń 194-inde sport sektsııalary joq ekeni anyqtaldy.
Bıyl oblys boıynsha 18 sport kesheniniń qurylysy júrip jatyr. Jyl sońyna deıin olardyń 12-si paıdalanýǵa beriledi dep josparlanyp otyr. Qalǵan 6 sport kesheni 2024 jylǵa ótpeli», – dedi Arman Tashmetov.
Aıta keteıik, buǵan deıin biz Qazaqstandyq qos sportshy ústel tennısinen álem chempıonatyna joldama aldy dep habarlaǵan bolatynbyz.
Ulttyq olımpıada komıtetinen málim etkenindeı, Z.Aqasheva men S.Mırkadırova ITTF reıtıngisi boıynsha 20-28 mamyrda Ońtústik Afrıka Respýblıkasynyń Dýrban qalasynda ótetin dúnıejúzilik dodada baq synaıtyn boldy.
Munymen qosa, Ústel tennısi, aýyr atletıka, dzıýdo, shahmat – Qazaqstan sportshylarynyń apta ishindegi jetistigin jarııalaǵanbyz.