Jambylda 56 jastaǵy aýyl turǵyny qarasora men kóknárdi zańsyz ósirgen

TARAZ. QazAqparat - Jambyl oblysy polıtsııa departamenti esirtki qylmysyna qarsy is-qımyl basqarmasynyń qyzmetkerleri Jambyl aýdanynyń Birlesý-Eńbek aýylynda ósirilgen 12 túp qarasoranyń jáne 1020 túp kóknar apıynynyń alqabyn anyqtady, dep habarlaıdy QazAqparat.

Tyıym salynǵan kóshetter «Kóknár» jedel-izdestirý is-sharalaryn júrgizý barysynda 56 jastaǵy aýyl turǵynynyń aýlasynan tabyldy.

«Kúdikti óz kinásin moıyndady, qazirgi ýaqytta QR QK 300-babynyń 2-bóligi boıynsha sotqa deıingi tergeý amaldary júrgizilýde»,- deıdi oblystyq polıtsııa departamenti baspasóz qyzmetiniń jetekshisi Gúlsara Muhtarqulova.

Departament mamandarynyń aıtýynsha, esirtki jáne psıhotroptyq zattardyń zańsyz aınalymyna, kontrabandasyna qatysty esirtki bıznesine qarsy profılaktıkalyq jumys óziniń tıimdi nátıjesin berýde.