Jambylda 52 jastaǵy turǵynnyń úıinen 28 keliden astam marıhýana tabyldy
TARAZ. QazAqparat - Jambyl oblysy Shý aýdanynyń turǵynynan salmaǵy 28 keli 360 gramm «keptirilgen marıhýana» tárkilendi, dep habarlaıdy QazAqparat.
Bul týraly oblystyq polıtsııa departamentiniń baspasóz qyzmeti málimdedi.
«2019 jylǵy 5 aqpanda jedel-izdestirý is-sharasy barysynda Jambyl oblystyq Polıtsııa departamentiniń Esirtki bıznesine qarsy kúres basqarmasynyń qyzmetkerleri Shý aýdany Abaı aýylynyń 52 jastaǵy turǵynynyń úı-jaıyna tintý júrgizgen bolatyn. Tintý barysynda qoranyń ishinen oǵan tıesili aq tústi úsh qap tabylyp, jalpy salmaǵy 28 keli 360 gramm «keptirilgen marıhýana» tárkilendi», deıdi departamenttiń baspasóz qyzmetiniń málimdemesinde.
Búginde kúdikti kinásin tolyq moıyndap, Shý aýdanynyń ýaqytsha ustaý ızolıatoryna qamaqqa alyndy.
Aıta keteıik, osyǵan oraı qazirgi tańda Qylmystyq Kodekstiń 297-baby, 3-bólimi «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý» boıynsha sotqa deıingi tergep-tekserý jumystary júrgizilýde.
