Jambylda 49 jastaǵy turǵynnan bir qap marıhýana tabyldy

TARAZ. QazAqparat –Jambyldyq polıtseıler T.Rysqulov aýdanynyń turǵynynan 12 keliden astam keptirilgen marıhýana tárkiledi, dep habarlaıdy QazAqparat tilshisi.

Bul týraly oblystyq polıtsııa departamentiniń baspasóz qyzmeti málimdedi.

«13 qazan keshki mezgilde «Kóknár-2019» jedel-aldyn alý is-sharasy barysynda Jambyl oblysy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri buryn sotty bolǵan 49 jastaǵy Turar Rysqulov aýdanynyń turǵynynan bir qap keptirilgen marıhýanany tárkiledi» delingen vedomstvo habarlamasynda.

Esirtki daıyndaýshy Merki aýdanynyń Tátti aýyly mańyndaǵy «Tátti-Saryqoba» qumdy aımaǵyna jaqyn jerde ustaldy. Tabylǵan esirtki zatynyń salmaǵy - 12 keli 420 gramm.

Kúdikti kinásin moıyndap, Merki aýdandyq ýaqytsha ustaý ızolıatoryna qamaldy. Qazirgi tańda QR QK 296- babynyń 4 -bólimi boıynsha sotqa deıingi tergeý júrip jatyr.