Jambylda 48 jastaǵy turǵynnan 160 kelige jýyq keptirilmegen marıhýana tárkilendi
TARAZ. QazAqparat - Jambyl oblysynda 48 jastaǵy er adamnan 160 keli keptirilmegen marıhýana tárkilendi, dep habarlaıdy QazAqparat.
Atalǵan esirtki qylmysy «Kóknar-2019» jedel-aldyn alý is-sharasy aıasynda Merki aýdany aýmaǵynda anyqtalǵan.
Bul týraly oblystyq polıtsııa departamentiniń baspasóz qyzmeti habarlady.
«Aýdan ortalyǵynan 50 shaqyrym qashyqtyqtaǵy jabaıy ósken sora shabyndyǵynyń aımaǵynan 48 jastaǵy er adam ustaldy. Oqıǵa ornynda 3661 butaly úsh ósimdik baýy tabylyp, tárkilendi. Sot-hımııalyq saraptamanyń qorytyndysyna sáıkes ol keptirilmegen marıhýana ekendigi anyqtalǵan. Tárkilengen zattyń jalpy salmaǵy 160 kelige jýyq»,-delingen habarlamada.
Aıta keteıik, kúdikti kinásin moıyndap, Merki aýdandyq polıtsııa bóliminiń ýaqytsha ustaý ızolıatoryna qamaýǵa alyndy. Qazirgi ýaqytta QR QK 296-baby 4-bóligi boıynsha sotqa deıingi tergeý amaldary júrgizilýde.
