Jambylda 370 eldi mekenniń 199-na aýyz sý júıesi tartylǵan
TARAZ. QazAqparat - Jambyl oblysynda halyqty aýyz sýmen qamtý kórsetkishi 53 paıyzdan asqan. 10 eldi mekenge aýyz sý jelisi júrgizilse, bıyl bul baǵytqa 3,4 mlrd teńge bólinip otyr, dep habarlaıdy QazAqparat.
Jalpy oblystaǵy 370 eldi mekenniń 199-na taza aýyz sý júıesi tartylǵan. Al, qala turǵyndaryn ortalyqtandyrylǵan sýmen qamtý kórsetkishi 90 paıyzǵa jýyqtady.
Óńirdegi keıbir eldi mekenderdiń turǵyndarynyń azdyǵynan jańa sý qubyryn salý ekonomıqalyq jaǵynan tıimsiz bolýda. Jergilikti bılik bul máseleni sý taratý pýnktteri arqyly sheshýdi kózdep otyr. Sondaı-aq, 134 aýyldy 2019-2022 jyldary aýyz sýmen qamtý josparlanýda.
Aıta ketý kerek, buǵan deıin aımaqtaǵy birqatar eldi mekenderde aýyz sý qubyry bola tura, 50 myńǵa jýyq halyq sol qubyrǵa qosyla almaı kelgen. Oǵan tarıftiń qymbattylyǵy sebep bolǵan. Búginde bul másele respýblıkalyq bıýdjet esebinen sýbsıdııalaý múmkinshiligi arqyly sheshilýde. Budan bólek, tarıfti turaqtandyrý, jalpy jumystyń tıimdiligin arttyrý maqsatynda oblysta «biryńǵaı operator» quryldy.
