Jambylda 35 nysan «qyzyl syzyq» normalaryn buzǵan
TARAZ. QazAqparat – Jambyl oblysynda 35 nysan «qyzyl syzyq» normalaryn buzǵan, dep habarlaıdy QazAqparat tilshisi.
Bul týraly Jambyl oblyssy ákimdiginiń Sáýlet jáne qala qurylysy basqarmasy basshysynyń mindetin atqarýshy Dáýlet Dosanov aıtty.
Tekseris jumystarynyń nátıjesinde eki jyldyń ishinde oblys boıynsha 35 «qyzyl syzyq» normalaryn buzǵan nysan anyqtaldy.
«Byltyr «qyzyl syzyq» normalaryn buzǵan 32 kásipkerlik nysany belgili bolsa, bıylǵy toǵyz aıda bul kórsetkish nebári 3 nysandy ǵana quraǵan. Olardy joıý boıynsha tıisti sharalar qolǵa alyndy», - deıdi Dáýlet Dosanov.
Aıta keteıik, búginde Taraz qalasyndaǵy normany saqtamaǵan 23 nysannyń 3-eýi buzylsa, 19-ynyń isin sot qarap jatyr. Qalǵan nysandar boıynsha da aıyppuldar salý, sotqa joldaý sekildi sharalar qarastyrylyp, ıelerine túsindirýjumystary júrgizilýde.
Sondaı-aq, oblystyq memlekettik sáýlet-qurylys baqylaý basqarmasymen osy jyldyń 9 aıynda zańnamalar men normatıvter talaptardyń buzylýyna jol bergeni úshin óńirdegi 171 zańsyz qurylys boıynsha 19 mln teńge aıyppul salynǵan.
