Jambylda 3 tonnadaı selıtra urlaǵandar ustaldy
ASTANA. QazAqparat - 16 naýryz kúni Jambyl stansasy Іshki ister jelilik basqarmasynyń qyzmetkerleri júrgizgen jedel-izdestirý is-sharasynyń barysynda 22 jáne 25 jastaǵy eki jigit ustaldy. Bul týraly kólik polıtsııasynyń baspasóz qyzmeti habarlady.
Ustalǵandar 1 naýryzda Asy stansasynan «Mańǵyshlaq-Jańatas» júk poıyzyn jóneltý kezinde jartylaı vagondardan salmaǵy 2 700 keliden asa «selıtra» urlaǵan.
Keltirilgen zalal mólsheri - 340 000 teńge dep baǵalanýda. Qazir zattaı aıǵaqtar tárkilenip alyndy.
QR ІІM Kóliktegi ІІD baspasóz qyzmetiniń habarlaýynsha, ustalǵandardyń ústinen QRQK 188-baby 2-tarmaǵynyń 3-tarmaqshasy boıynsha (urlyq) sotqa deıingi tergeý amaldary júrgizilýde.
