Jambylda 23 myńnan asa jańa jumys orny ashylady

TARAZ. QazAqparat -Jambyl oblysynda «Jumyspen qamtýdyń jol kartasy-2020» baǵdarlamasy boıynsha 2 myńnan astam jobany júzege asyrý josparlanýda,-dep habarlaıdy QazAqparat oblys ákimdiginiń resmıúsatyna silteme jasap.

Bul týraly oblys ákimi Berdibek Saparbaevtiń tóraǵalyǵymen ótken apparattyq keńeste aıtyldy. «Jumyspen qamtýdyń jol kartasy» baǵdarlamasy sheńberinde jumys oryndarynyń qysqarýyn jáne jumyssyzdyqtyń ósýin boldyrmaý maqsatynda jalpy somasy 56,7 mıllıard teńgege 2058 jobany iske asyrý josparlanǵan. Onyń ishinde bilim berý salasy boıynsha 158 joba, densaýlyq saqtaý salasy boıynsha 58, áleýmettik qorǵaý salasy boıynsha 13 jáne basqa da baǵyttar boıynsha túrli jobalar bar.

Bul jobalar júzege asqanda 23 myń jańa jumys orny ashylady dep kútilýde desek, olardyń jartysy halyqty jumyspen qamtý ortalyqtary arqyly qamtylmaq.

Sondaı-aq, qosymsha qarajat bólý arqyly «Qarapaıym zattar ekonomıkasy» baǵdarlamasy boıynsha 43,2 mıllıard teńgege 460 jobany iske asyrý kútilýde. Ol 3450 jumys ornyn qurýǵa múmkindik bermek.