Jambylda 20 jastaǵy jigitten 16 kg astam marıhýana tárkilendi
TARAZ. QazAqparat - Kólik polıtseıleri Jambyl oblysynyń 20 jastaǵy turǵynynan 16 kg marıhýana taýyp, tárkiledi, dep habarlaıdy QazAqparat.
Kóliktegi ІІD baspasóz qyzmetiniń habarlaýynsha, polıtseıler esirtki bıznesine qarsy kúres basqarmasynyń qyzmetkerlerimen birge «Almaty-Mańǵystaý» baǵytyndaǵy jolaýshylar poıyzyn tekserip, vagondardyń birinen 20 jastaǵy jigitti ustaǵan. Atalmysh oblys turǵynynan jalpy salmaǵy 16 kelini quraıtyn «keptirilgen marıhýana» esirtki zaty tabyldy.
Atalǵan fakti boıynsha sotqa deıingi tergeý amaldary júrgizilip jatyr.
